يبدأ موقع الحدث 24 من اليوم نشر مجموعة من الخواطر والأشعار التي يكتبها الدكتور أحمد الشربيني الأستاذ بكلية الهندسة جامعة القاهرة،وذلك تحت عنوان #شربينيات
البَحر و عمايله 1
(١) يا بَحر فيك عنفوان
يشبِه مشاعِر زمان
غموض و سِحر و محَّبة
و موجَة حَّبَه في حَّبه
تفَّكَرَك بإللي كان
(٢) البَحر مالِح و أنا
محتاج لمَّية نيل
مشتاق للَحّظِة هَنا
و حَّد طَبعه جميل
(٣) يا بَحر موجَك هِدِي
سبحانه مِن هداه
زي الهوي يبتدي
شايل نهايته معاه
البحر و عمايله 2
الكُل في الميَّه عايم
و القلب في الحُسن هايم
و الله عليكي يا دنيا
يا جميله في كل ثانية
يا مدَغدَغَه الأحاسيس
في كل قلب حسيس
و مجَدِّدَه الأيام .. من لَحظه للتانيه
الله عليكي يا دنيا
البحر و عمايله 3
(١) بالراحَه يا بَحر علي الحلوين
بتخبَطهُم شمال و يمين
و انا قلبي بيتقَطَّع
و هٌما بيَّا مش حاسين
(٢) حوريَّه ع الرمل نايمه
و التانيه في البحر عايمه
و التالته ع الشَط ماشيه
و عيوني في الحُسن هايمه
(٣) و القلب زاد إنسجامه
ما قدرتش أمسك لجامه
سيبته إنطَلَق في المَحَّبه
و العِشْق فارد سهامه
