د. أحمد سالم يكتب : الكورة والدولار

المدير الفني لمنتخب مصر وجهازه ومعاهم الأولمبي وجهازه بيقبضوا بالدولار ومعاهم كمان مدربي الأهلي والزمالك اللي هما المفروض عمودين الخيمه اللي ساندين الكوره في مصر بيقبضوا بالدولار مع انهم عمدان أكلها الصدأ
كمان الراجل عاوز يجيب برتغالي ويعمل منتخب جديد تحت منه وطبعا هيبقض بالدولار وخش في جهاز جديد واخضر جديد
اللي بيطلع للاجانب دول بقي اللي بيقبضوا بالدولار اللي هو اللاعب منتج من مدرب مصري ما بيقبضش اصلا لا دولار ولا جنيه اللي يفتح بيته ويأكل عياله
يعني اللي بيبني ويأسس ويعلم ويخرج أجيال كرويه (مصري) كان محتاج الدولار اللي بياخده اللي سالفي الذكر اللي فوق دول علشان يثقل نفسه بالعلم ويقدر يخرج لاعبين للمنتخبات والاهلي والزمالك علشان نصنع بيهم إنجازات وبطولات تدر عائد وتفرح الناس اقتصاد للدوله يعني ونبقى شطار
ولما نجيب حد يشطب الشغل اللي عمله المصري اللي بيقبض بالجنيه متأسس صح علي العلم والقياس والتحليل الوظيفي السليم يبقي الدولار في مكانه الصحيح وساعتها بس اي حد هيقدر يعمل إنجاز اي حد لان الأساس سليم ومتين
يعني الدولار اللي هتصرفه تحت تحت هيجيب مليون فوق واحنا عاملين العكس باحترافيه شديده وقلة وعي وفي غياب العلم والتخطيط السليم
ليه بقي بيهتموا بالتشطيب قبل التسليح لان صاحب العماره والله اعلم مش هيسكن فيها
عمدان الكره المصريه أكلها الجهل وأهله والمدرب الصنايعي حزين الدارين
وانا لله وانا اليه راجعون