في حكمة بتقول .. تعرف علي احدث قصيدة للشاعرة هبة تامر
في حكمة بتقول!!
هتصبر هتنول.. هتلقا الحلو اللي مقسوم
هتلقا الفرح اللي طال انتظارة وكل الحزن فجاءة يغور
كريم يا رب وحدك وللصابر دايما معين
قصة غيرت حياتي وخلتي من الناس الصابرين
في يوم ضاق بيا الحال واتقفلت كل البيبان
زادت الهموم واصبحت في الحال غلبان
بقيت ماشي اشتكي هوا انا لي بيحصلي كدا؟
اشمعنا انا اللي يتغير لة الحال ويدور
بعد ما بقيت قريب فجاء للصفر ارجع مكسور
قابلتني ست مش نسيها في ساعة فجر بتتمشي
وقالتلي يا اللي بتكلم نفسك مين تكون
اية علتك علشان تشكي يا مهموم
لو مفكر اللي بيحصل بلاء فا انتا اكيد مجنون
يا بني دي حكمة ربنا افرح وفي يوم هتنول
اذا جالك المقسوم فهوا مكتوبلك
وان مشي فاستغفر داا خير من شر
سبحان الله سواء شتا او حر
ربك دايما قادر عارف الصابر وبيجزية كل الخير
فعلي اية تزعل وتعافر
وقتها الكلام علم جوايا
وان حب ربنا اكيد موجود معايا
وان الصبر دا شئ جميل
صبرت نولت وبقيت من الصابربن
وعوض ربنا حلوو يتكتب فية مواويل
سبحان الله
اللي مشي عني كل اذي وشر ليا
واللي بقيلي بيزرع الخير فياا
بقاا عندي يقين في الله هتتغير وهتحلوو
هتصبر هتنول اعظم احلامك
وان تعبت ربك وحدك يبقالك
وان مهما سابوك الناس وعبوك
ربك وحدة وياك ولا عمرة ينزلك الارض
وان الدمع اللي نزل منك بكرا ينبت فل ورد..
هوا الموضوع بس يدوب شوية صبر
فاللهم ربي ووكيلي وحسبي اناجيك
فاجبرني جبرا يرضيني وثبت قلبي لما يرضيك
احتسب صبري ثوابي.. فا انا اناجي من للكون مالك وللعبد دائما مجيب
