فنونمنوعات

جوه قلب الليل بَكيت .. شربينيات 5

 

 

مع ذكري نصر حرب أكتوبر ، أشارككم هذه القصيدة التي كتبتها في أكتوبر ١٩٧٥ ، و نُشرت في مجلة صباح الخير نفس العام

في باب ” قال الشاعر ” الذي كان يشرف عليه الشاعر الكبير فؤاد حداد .

الدكتور أحمد الشربيني الأستاذ بكلية الهندسة جامعة القاهرة

 

مَركِب الحرية

———–

قَبل فَجر النصر ياما .. جوه قلب الليل بَكيت

كنت أشوف الدمعه في عيون كل طفل .. في كل بيت

و السؤال فوق الشفايف .. ألف إمتي !! و ١٠٠ يا ريت

إمتي حَنعدي الأماني .. و نِطوي بحر المستحيل

إمتي حتعود الأغاني .. توَّنِس الليل الطويل

إمتي حَنكَحَّل عيون الفجر بالنصر الجميل !!!

لَمّا رَيس مَركِب الحُريه نادَيْ و قال نعَدي

حُط قلبك جوه قلبي .. حُط إيدك جُوه يَّدِي

خَلِي فجر الدنيا يرجع تاني بالأفراح ينَدَّي

شيلت دَمعة عين بلدنا .. جِيبت مَطَرحها إبتسامه

شيلت حُزن القلب لَمّا .. عَدي جيشنا بالسلامه

شيلت بيمينَك سلاحَك .. و الشمال غُصن و يَمامه

مصر تِرخَصلِك حياتنا .. و نفتديكي جيل بجيل

طول ما فيه في عروقنا دَّم .. و طول ما فيه في الأرض نيل

مصر راح تِفضَل تَمَلّي .. ساقيه دايره في الغيطان

تِسقي أرض الدنيا حُب .. و تِزرع الأيام حنان

مهما شئ في الدنيا يحصَل .. مصر تِفضل هيَّ هيَّ

إللي فيها الشمس طالعه .. و الإيدين سَمره و عَفّيه

و إللي فيها الضحكه حلوه .. لك .. لكل الناس .. و ليه

مصر دايمآ .. هيَّ هيَّ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *