وجه الرئيس عبد الفتاح السيسى رسائل قوية بشأن مخالفات البناء، مؤكدا أن الدولة تعانى من التعديات والبناء غير
المخطط، موضحا أن هناك من يتألم من اجراءات الدولة لضبط مخالفات البناء، سواء على الأراضى الزراعية أو بدون تراخيص.
وأضاف الرئيس خلال افتتاح عددا من المشروعات القومية بمحافظة الإسكندرية، اليوم السبت، ” مفيش حد بيتكلم فى
الموضوع ده، وأنا مش طبيعتى كده معاكم يا مصريين، إحنا قدمنا تحدى بطلعه قدامكم، وأقول التحدى ده خطير عليكم”.
وأوضح :” خايفين من سد النهضة، صدقونى هذا التعدى خطير جدا بنفس نسبة خطورة سد النهضة، اللى واضح لينا موضوع
المياه، لكن اللى مش واضح لو استمرينا بالشكل ده فى التعديات على الأراضى الزراعية، لو استمرينا كده عمرنا ما نوصل
لنسبة 100% في تغطية المرافق، والكلام ده في منتهى الأهمية الأرض الزراعية اللي بتدمروها دي هي اللي بتسكنوا
جنبها دلوقتي طيب هتشتغلوا فين بعد كده، انتبهوا للتعدي على الأراضي الزراعية.
وأكد: أرجو إن إحنا مع المحافظين الكلام اللي بنقول عليه ونتحرك بسرعة مع المواطنين علشان ننهي هذا الملف وعلشان
ننظمه في الدولة وميبقاش فيه حجم هذا التجاوز بنتكلم في 700 ألف مخالفة، لو قولنا كل مخالفة بأسرة يبقى بنتكلم في
ملايين المتأثرين من خلال الإجراءات القانونية وتأثير ذلك على الدولة.
وشدد الرئيس على أن الدولة حريصة على الانتهاء من أزمة مخالفات البناء، مضيفا :” بيقولوا متتكلمش فى الموضوعات دى
وسيب الإعلام يتكلم، لأ هتكلم فى كل حاجة تمس مصر ومستقبلها، ولن أبيع أبدا الوهم للناس تحت اعتبارات السياسة
والحفاظ على الشعبية”.
وتابع الرئيس: “عملنا ده في الاقتصاد وربنا وفقنا وده كان الرصيد اللي عدينا بيه أزمة عانى منها العالم، كل عمل صالح بنعمله
لأجل خاطر بلدنا وربنا حتى لو الناس مش راضية، هتتألموا مني؟ طيب أعمل إيه؟ مش عايزين تساعدونا ليه؟ ليه مصرين
على مواقفكم؟ بتحلموا ببلد كويسة ومترتبة ولا كل واحد عايز يعمل اللي عايزه؟”.
إقرأ المزيد .. بتحلموا ببلد منتظمة زي الفل ولا كل واحد يعمل اللي عايزوا ..تعرف علي رسالة السيسي للمصريين بسبب مخالفات البناء
إقرأ المزيد .. الدكتورة رحاب الرحماوى تكتب: رؤية الرئيس السيسي لمستقبل مصر
