أنا مع صلاح في أي حتة !
الجملة دي دليل على أن صلاح حالة، بالنسبة لكل المصريين و الكثير جدا من العرب لا و العالم كله ، الناس بتشجع صلاح ، الناس بتابع بسبب صلاح ، الناس مهتمه بسبب صلاح .
بعيداً عن أن كرة القدم معشوقة الجماهير ، لكن محمد صلاح نجح في اللي مقدرش عليه الآلاف من لاعبي كرة القدم ، مثلاً نجح في أنه يجذب الستات اللي كتير منهم لا كان بيتابع كورة ولا يعرف عنها كتير ، لكن دلوقتي لا بيتابع و يشجع و يدعي مش لفريق بعينه ، و لا أي حاجه إلا صلاح اللي معظمهم بيشجعوه ويدعو له ، منهم اللي بيعتبر محمد صلاح ابنهم اللي بيفرحوا لفرحه وبيحزنوا لحزنه.
لكن اللي وصل له محمد صلاح مش بالحظ و لا صدفه ، لا ده بتعب و اجتهاد و شقي وسعي، بدأه من و هو لسه في بداية حياته .
اشتغل على نفسه و تعب و بدأ السلم من أوله خطوة خطوة ، محدش ساعده و لا اتوسط له ، كل خطوة اتعلم منها وفيها، والاجتهاد كان طريق النجاح .
علشان كده محمد صلاح نجم فريق ليفربول و قائد منتخب مصر لكرة القدم، هو فخر مصر و فخر العرب ، النجم المفضل لكل القلوب الطيبه اللي بتشجع أي فريق علشان صلاح.
