“عكس دقات قلبى”.. قصيدة جديدة للشاعرة إسراء أسعد

عكس دقات قلبى

عكس عقارب الساعه

فى نفس إتجاه الدوران

وعكس إتجاه الذاكره

كان هو بردو شريط النسيان

أنا قلبى سليم لكن بهتان

دقاتُه متصابه بغَمقان

صَبَحَ كهف مُخيف

فى سيما لا تَملك سوى الأرشيف

مين قال إن البُن الفاتح بيسَهر

والبُن الغامق بينَسى

من إمته القهوه كان لها تصنيف

قالولى القهوه علاج بتداوى الجروح

وبتمنع نزيف الدم وهتعالج قلبى الا بحُبك إتسَم ولازم أتعالج

قالولى إن إنتَ بتحن

جمعوا أطنان البُن لأجل القلب يتداوى

والله ماتداوى

قال الدكتور

القلب دا عجوز

كبير السن

الا فى كتفى دى مش كدمه الافى كتفى أثار نسيانك بالبُن