منوعات

“وحيد”.. قصيدة جديدة للشاعرة إسراء أسعد

وحيد فى دُنيا الناس

والبنى حقوديين

مش البنى ادمين

خيال مآته وعايش وسطهم

حزين غلبان

مُهمتهم يكسروه

مُهمته يحافظ على قلوبهم

من الغربان

وليا فى مُجاملتهم

وليا فى بُرصة الكذب أسهم

ولا ماسك كاسهم كل يوم

بيقولوا عليا تعبان …. وهما الملدوغين

أنا عمرى ماشوفت تعبان يقرص

بنى ادمين

فيموت مسموم

عاملين ملايكه ومن جواهم شياطين

هُما دول البشر

مش عاوزنى إزاى أكون منطوى

وحابس نفسى جوه الاوضه

أنا مش يائس

ولا الاجوايا يتسمى إكتئاب

أنا بس مش كذاب

وهما الكذب عندهم موضه …