تطعن علي حكم وليد الفيل علشان ميدخلش انتخابات بالرغم من الأهلي اراد تنفيذ حكم المحكمة منعاً للجدل واحتراما للقضاء وبعداً عن المحاكم واروقتها ووضع اسمه فعلا وانت رفعته
تعتمد ورقة الترشح اللي هيصوت عليها الأعضاء اللي فيها العضو موافق ولا مش موافق علي تزكية العامري
ويوافق الأعضاء ويعطوه أصواتهم في الجمعية العمومية زي ما حصل في الزهور وغيره من الأننديه اللي فيها تزكيه
يوقع بعد اعلان النتيجة علي المحضر ممثل الوزارة واللجنة الأولمبية وهيئة قضايا الدولة ورئيس النادي وكده تمام وده إقرار بصحة الإجراءات
تليفون للمدير التنفيذي بعد ما الناس مشيت تقوله انك مخدتش رأي الجمعية العمومية في تزكية العامري وانت معتمد الورقة اللي فيها الكلام ده وممثليك موقعين علي محضر فوز المجلس كله ومتابع ومشرف ومراقب كل الإجراءات وترجع تقول لأ في دراما لم تحدث في كوكب زحل حتى.
طيب مقولتش من الاول ليه واعتمدت ورقة الانتخابات اللي فيها العامري؟
طيب بتطعن ليه ضد وليد الفيل والاهلي قالك سيبه يترشح والكلمه للاعضاء منعاً للجدل؟
طيب وقعت ليه علي محضر اللجنه القضائيه واعتماد النتيجه ورجعت تقول مش صح وتوقيعك منور الدنيا ؟
طيب اعتمدت نتيجة الانديه الأخرى اللي فيها مرشحين تزكيه والتزكيه في الورقه هيا هيا وبدون هذا التحفظ ؟
انت اللي حضرت العفريت ومش عاوز تصرفه وواضح ذلك للاعمي والبصير.
صحيح انك استاذي في الجامعه واتشرف بمعرفتك الشخصيه
لكن القول ما قاله الفاروق عُمر:
“رحم الله امرئ قال لابن الخطاب اتق الله يا عُمر”
العامري يا سيدي نائب رئيس الأهلي بخاتمك وبغيره
والأمر لله
