متي سيطبق نظام الثانوية الجديد ؟
ستطبق بعد موافقة البرلمان، و إقراره النهائي من مجلس النواب والذي سيتم العرض عليهم في الدورة الجديدة الي هتبدء ف يناير
علي من سيطبق؟
على طلاب الصف الأول الثانوي العام المقبل 2021/2022
طيب طلاب الثانوية العامة اللي في المراحل الثلاثة الحالية 1و2و3 ثانوي هيتعمل معاهم ايه؟
ببساطة كده امتحانات الثانوية العامة هذا العام الدراسي ٢٠٢٠/٢٠٢١، ستكون إلكترونية لجميع الطلاب النظاميين والخدمات والمنازل، وفقًا لمجموع نظام الثانوية العامة القديم (سنة واحدة)، والبالغ 410 درجات، وليس وفق المجموع التراكمي المقر بتعديلات قانون التعليم وقواعد امتحانات الثانوية العامة.
طب ايه هو النظام الجديد ؟
هيكون اسمه” الثانوية التراكمية والمجموع التراكمي” بمعني ان مجموع الطالب للالتحاق بالجامعة لن يحتسب علي مجموع 3 ثانوي وفقط ، فالمجموع سيحتسب على أساس المجموع الحاصل عليه في السنوات الثلاث عن كافة المرات، التي أدى فيها الامتحان في كل سنة دراسية، ويحق للطالب دخول الامتحان أكثر من مرة ليختار النتيجة التي يرغب في أن تُحتسب له ضمن مجموعه”.
هل توجد نهاية صغرى وكبرى للمجموع؟
لازم نوضح ان النهاية الصغري والكبري للمجموع لم تحدد حتي الان وستحدد بعد اقرار القانون من مجلس الشعب ، طيب وايه هيا عدد مرات المحاولة للطالب لتحسين مجموعه بردوا سيتم تحديدها بعد اقرار القانون من مجلس الشعب ،
طهل المحاولات المتعددة لتحسين المجموع بمقابل مادى ؟
اه بس اول امتحان مجانيي لكل كل محاولة فيما بعد بمقابل ورسوم ، بحد اقصي 5 الاف جنيها
.
بعد اقرار القانون الطلاب هيكون عندهم امتحان ترم اول وترم تاني ؟
لااااء هو امتحان واحد اخر السنة .
لو الطالب رسب في مادة او مادتين بعد دخوله محاولات التحسين ومرات تجاوزها هينقل بالمادة او المادتين للفرقة الاعلي؟
مافيش حاجة اسمها دور تاني خلاص-
طيب لو اكثر من مادتين؟
بدءا من رسوب الطالب في 3 مواد هيعيد السنة في هذا الامتحان!
لو الطالب في ثالتة ثانوي اللي مافيش بعدها صفوف دا بعدها جامعة ع طول! “فالطالب لو رسب في مادة أو مادتين على الأكثر من المواد وخلاص استنفذ عدد مرات دخول الامتحان بالصف الثالث؟
هيمتحن في هذه المواد فقط في العام التالي لمرة واحده ، ويتم بعدها التقدم للامتحان من الخارج ولمدة عامين فقط”.
طب هو التقييم والمجموع هيكون مبني فقط علي الامتحانات؟
(لا) هيتم استحداث طرق تقييم جديده مستخدمه عالميا هتكون من ضمن عناصر تقييم الطلاب بجانب الامتحانات وتدخل درجاتها بنسبة محددة عن كل عام دراسي على حدة، وده لسة لم يصدر بيه قرار هيصدر بعد موافقة البرلمان .
طيب الاقسام إيه؟
خلاص تم الغاء علمي الرياضة و،،الاكتفاء بشعبة العلمي وشعبة الادبي ، وطبعا في مواد مشتركة ما بين القسمين
