يقدم موقع الحدث 24،باب جديد تحت اسم تريند اليوم ،يسلط من خلاله الضوء،علي ابرز الإيجابيات والسلبيات ، التي تنشر عبر السوشيال ميديا .
واختار الحدث 24 ،بوست تم نشره علي صفحة أحداث كفر الشيخ ،علي فيس بوك ،تم تسليط الضوء فيه علي إنسانية وحيوية ونشاط نقيب شرطة سيد احمد مسعود ،وكيل ادارة الأحوال المدنية بكفر الشيخ .
ولمعرفة ماذا فعل النقيب سيد مسعود ..أعادنا نشر البوست الذي نشره مواطن يدعي محمد ابو ستيت
و قال فيه :”النهاردة هكلمكم عن شخصية مختلفة شوية
النقيب سيداحمد مسعود وكيل إدارة الأحوال المدنية بكفرالشيخ ابن سيدي سالم .. اللي عمره ما قعد في مكتبه ابدا،
وتابع : دايما بيشوف طلبات الناس خصيصا كبار السن والسيدات، في مرة كان بيمر وانا كنت بعمل البطاقة فدخل مكتب الموظفين
وأضاف :وكان فيه زحمة ولقي راجل كبير في السن تقريبا حاجة و80 أخذه من ايده وقعده في مكتبه وجابله عصير وماية ساقعة ونادي امين الشرطة يخلصله الإجراءات ووقف معاه وقت التصوير واخد منه الوصل
وقاله ما تتعبش نفسك هبعتهالك لحد عندك، أنا طبعا مراقب الموقف من بعيد لأنه شد انتباهي وسألت قالولي يمكن مش بيقعد في مكتبه ساعة على بعضها
واختتم رسالته قائلا :”هو ده الضابط اللي اللي يستاهل اننا نشكره.. وأننا نعمله ترند على الأقل نديله جزء من حقه.. هتقول دا شغله هقول لسيادتك ما هو ممكن يقعد في مكتبه وما يتعبش نفسه
