الشاعرة إسراء أسعد تكتب: قوتها
عن قوتها
وشدة الألم فى كسرتها
عن وجع مركون فى قلبها
عن حسرتها على حبها
الحب اللى كان بجنون
نصل سكين ذكريتنا القديمه
لسه مسنون
ولساه بيجرح فى جدران قلبى
لكنى لسه بكابر وبخبى
وبدفن الوجع جوايا
وبفتكرك وإنت بتقول حبيتها
لو سألوك عنى قولهم بخير
والضعف اللى بينته جواها أصبح جبروتها
كِذب اللى قال الحب مجرد كلام
ورومانسيه زايفه
الحب سند ووعد وأمان
الحب تطمنها لما تكون خايفه
الحب عمره ماكان ألم
ولا كان فيه لازام
بيقول إنك تكسرها وتتركها منهاره
قاعدة الحب بتقول إن الدنيا دواره
وإن إنت هتبقا بطل المشهد
حتى لو كنت من يوم خلف الستاره
وهتشرب من نفس الكاس
إذا كنت ماليته بحب
فاالحب جميل للصادق إلايحب
وإذا كنت ماليته بجرح
يتحول كاسك من عسل
لشئ مُر شديد المراره
داين تتدان
جرح الانسان
مش بالسهل
بنيت أسرتى على زيفك
وشوفت فى كذبك السند والأهل
حولت قلبى لكهل
جرح الانسان مش بالسهل
مش بالسهل زرع الخوف بعد الامان
إفتكر كلامى داين تتدان
إياك وجرح الانسان
صدقنى الدنيا دايره وبتلف
وعقارب الساعه بتدور
قلبى المكسور خف
روجوعنا تاتى
ذكريتنا مع الأغانى
إزاى هنرجع
وإنت دايماً الطرف الفانى
دا انا لما إحتجتك ماحتاجتنيش
فالما هتحتاجلى مش هحتاجلك
إتسليت بيا إشرحلى كيف أشتاقلك
بعد الكسر والجرح
لما هتحتاجوهم ماهيحتاجوكوش
وإذا كان للحب مفهوم خاطئ
إسمه التسليه
فاأحسنلكم ماتحبوش
